இலைகள் உதிரும் கிளைகள் ஓடியும் வேர்கள் விழாமல் காப்பாற்றும்

தாயக விடியலுக்காக இன்றைய நாளில் வீரச்சாவை தழுவிய மாவீரர்களுக்கு வீரவணக்கம் !

Home தாயக கவிதைகள் "வெற்றிகளின் பின்னால் இருந்த பேராற்றல்"

“வெற்றிகளின் பின்னால் இருந்த பேராற்றல்”

இடிவிழுத்திப்போகும்
இச்செய்தி வருமென்றா
உன்னை வழியனுப்பி வைத்தோம்
போர் ஓய்ந்த நாளிலும்
எமக்கேன் இடி விழுகின்றது
குருதி நரம்புகள் உறைந்துபோக
நெஞ்சில் குத்தீட்டி ஏறுகின்றது
கேணல் ராயு
குயிலலெனவும் இவன் குறிக்கப்பட்டான்
அதிகம் பேசாமல்
அதிகம் சிரியாமல்
அதிக அதிசயம் நிகழ்த்திய அதிசயன் .
தலைவருகில் தன்னை தயார்படுத்தியதால்
கதிரவன் ஒளிகசிந்து ஊறியகாளை
நுட்ப மதி நிறைந்த நுாதனன்.
விடுதலையன்றி வேறொன்று சிந்தியா விவேகன்.
புதிய அரும்புகள் முளைகொள்ள
நாற்றங்கால் போட்ட நாயகன்.
பெருவெற்றிகள் ஒவ்வொன்றின் பின்னாலும்
இந்தபுலிமகனின்பேராற்றலும் இருந்தது
பகை நெஞ்சேறிய குண்டுகள் ஒவ்வொன்றையும்
இவன் கைகள்தொட்டு நீவின
எல்லாவைற்றையும் நூக்கிவைத்துவிட்டு
இத்தனை அவசரமாய்
சாவு அள்ளிப்போதை தாங்கமுடியவில்லையே
ராயு .
ஒரு களத்தில் நீ மடிந்திருக்கலாம்
நோய் தின்று போது தான் தாளமுடியவில்லை
அண்ணனைக் கூட மீண்டு தரிசிக்காமல்
அகல் விளக்கே அணைந்து விட்டாயே
நீ வளர்த்த பயிர்களைக் கொண்டே
நின் கனவை நனவாக்குவோம்
சோகம் கப்பிய முகத்தை துடைத்து விட்டு
உன் கனவை நனவாக்குவோம்
அது ஒன்றே உனக்கு காணிக்கை
என்றாலும் உன் பிரிவெனும் கொடுமை
நீண்டநாளிருக்கும் எம் நெஞ்சில் .
கவியாக்கம்:புதுவை இரத்தினதுரை
இணையத்தில் மீள் வெளியீடு மற்றும் தட்டச்சு:வேர்கள் இணையம்

LEAVE A REPLY

Please enter your comment!
Please enter your name here

Most Popular

லெப்.கேணல் லக்ஸ்மன் .!

நிலையான நினைவாகிச் சென்றோன் நினைவோடு தமிழீழம் வெல்வோம்.!     ‘தமிழீழம்’   இது தனித்த ஒன்றுதான்; பிரிந்த இரண்டின் சேர்க்கையல்ல.   ஒரே இனம், ஒரே மொழி, ஒரே நிலம், ஒரே வானம், ஒரே கடல், ஒரு தமிழீழம்; தமிழீழம் தனியென்றே...

லெப்.கேணல் லக்ஸ்மன் உட்பட்ட 18 மாவீரர்களின் வீரவணக்க நாள்.!

மட்டக்களப்பு மாவட்டம் பூமாஞ்சோலை பகுதியில் அமைந்திருந்த சிறிலங்கா படைமுகாம் மீதான தாக்குதலின்போது 28.12.1994 அன்று வீரச்சாவைத் தழுவிக்கொண்ட மட்டு – அம்பாறை மாவட்ட துணைத்தளபதி லெப். கேணல் லக்ஸ்மன் உட்பட பதினெட்டு மாவீரர்களின்...

மேஜர் செங்கோல்

பெயருக்கு இலக்கணமாய் வாழ்ந்தவர்களில் செங்கோலும் இணைந்து கொண்டான். நட்பிலும் இவன் செங்கோல் தவறியதில்லை. கடமையில், கட்டுப்பாட்டில், மனித நேயத்தில், தமிழர் பண்பாட்டில் நடுநிலை தவறாது ‘செங்கோல்’ என்ற...

லெப். கேணல் நியூட்டன் உட்பட ஏனைய மாவீரர்களின் வீரவணக்க நாள்

22.12.2000 அன்று யாழ். மாவட்டம் கைதடி, அரியாலை, நாவற்குழி பகுதிகளில் பெருமெடுப்பில் முன்னேறிய சிறிலங்கா இராணுவத்துடன் ஏற்பட்ட முறியடிப்பு சமரில் வீரச்சாவைத் தழுவிக்கொண்ட லெப். கேணல் நியூட்டன் உட்பட ஏனைய மாவீரர்களின் வீரவணக்க...

Recent Comments