இலைகள் உதிரும் கிளைகள் ஓடியும் வேர்கள் விழாமல் காப்பாற்றும்

தாயக விடியலுக்காக இன்றைய நாளில் வீரச்சாவை தழுவிய மாவீரர்களுக்கு வீரவணக்கம் !

Home தாயக கவிதைகள் வாசலெங்கும் தீப ஒளி.!

வாசலெங்கும் தீப ஒளி.!

வானம், முகில், நிலவும் வந்துலவும் வாடியதும்
வாசலிலே….. நின்று பணியும்
வாரியெடுத் துங்களது மேனியிலே பூவிதழால்
வருடிவிட்டுத் தலைகள் குனியும்.
கானம் இசைத்துவரும் கருங்குயில்கள் உங்களது
கல்லறையில் மெல்ல உருகும்.
காலைமலர் யாவுமுமக் காகவெனப் பூத்தபடி
காத்திருந்து கண்கள் சொரியும்.
மானம், மறம் தமிழர் மரபின் மகுடமெலாம்
மண்டியிட வந்து குவியும்.
மாலைமணி ஆறுவெனக் கோயில்மணி
ஓசையுடன்
மாவிளக்குத் தீபம் ஒளிரும்.
பாணரென நாமிருந்து பாட்டிசைக்க உம்முகங்கள்
பால்பருகி மெல்ல விரியும்.
பார்த்திருக்கும் எங்களது மேனியெல்லாம்
வேர்த்தொழுகப்
பாதைதெளி வாகத் தெரியும்.
தாயாளின் மடிவிட்டுத் தவழ்ந்திட்ட மண்மீது
தணியாத அன்பு என்றவர்.
தாலாட்டில் மயங்காது தமிழீழப் போர்ப்பாட்டின்
தமிழ் மீது வெறிகொண்டவர்.
பாய்கின்ற நதியாகிப் பகைதன்னைப் பலியாக்கிப்
பணியாதோர் எனச் சொன்னவர்.
பகைஎரும் வழியெங்கும் புலியாகி எதிர்கொண்டு
பல வீரக்களம் நின்றவர்.
சாயாதெம் தமிழ்வீரம் தளராதெம் நடையென்று
சமராடி உயிர் விட்டவர்.
சந்திரனும், சூரியனும் தாள்பணியத் தக்கதொரு
சரித்திரமாய் வான் தொட்டவர்.
தேயாதோர் உறங்குகின்ற திருவிடத்தில்
பூச்சொரிந்து
தீபஒளி ஏற்று தினமே.
தேடியவர் கல்லறைக்குப் போயிருந்து
கண்சொரியத்
தேவநிலை ஆகும் மனமே.

 

கவியாக்கம் :– புதுவை இரத்தினதுரை.!

வெளியீடு : எரிமலை இதழ் நவம்பர் 2000

மீள் வெளியீடு :வேர்கள் இணையம் 

மாவீரர் நாள்  சிறப்பு  பதிவிலிருந்து வேர்கள்.!
“புலிகளின் தாகம் தமிழீழத் தாயகம்”

 

LEAVE A REPLY

Please enter your comment!
Please enter your name here

Most Popular

சிறப்புத் தளபதி லெப். கேணல் மதனா

வவுணதீவில் வரலாறு எழுதியவள்-சிறப்புத் தளபதி லெப். கேணல் மதனா மட்டக்களப்பில் போராட்டத்துக்கு மேன்மேலும் ஆளணியைச் சேர்ப்பதில் ஈடுபட்டு, பயிற்சி வழங்கி, படையணியைக் கட்டி வளர்த்ததில் அவள் பங்கு குறிப்பிடத்தக்கது. இக்காலகட்டம் இவர்களுக்கு மிகவும் வேதனையும்,...

கரும்புலி மேஜர் சிற்றம்பலம் உட்பட ஏனைய கரும்புலி மாவீரர்களின் வீரவணக்க நாள்

கரும்புலி மேஜர் சிற்றம்பலம், கரும்புலி கப்டன் விஜயரூபன், கரும்புலி கப்டன் நிவேதன் ஆகிய கரும்புலி மாவீரர்களின் வீரவணக்க நாள் தமிழீழத்தின் தலைநகர் திருமலை சீனன்குடா விமானத்தளத்தில் ஊடுருவி 06.03.1997 அன்று நடந்த கரும்புலித் தாக்குதலில்...

லெப்.கேணல் பாலேந்திரா, லெப்.கேணல் மதனா வீரவணக்க நாள்

லெப். கேணல் பாலேந்திரா, லெப். கேணல் மதனா உட்பட ஏனைய மாவீரகளின் வீரவணக்க நாள் இன்றாகும். மட்டக்களப்பு மாவட்டத்தில் வவுணதீவுப் பகுதியில் 06.03.1997 அன்று சிறிலங்கா படைமுகாம் மற்றும் கட்டளைத் தலைமையகம் மீதும் மேற்கொள்ளப்பட்ட தாக்குதலின்...

கரும்புலி மேஜர் சிற்றம்பலம்.!

என்றைக்குமே வேகமாக இயங்கிக் கொண்டிருக்கும் அந்த முகாம் இன்றும் அதேபோல இயங்கிக்கொண்டிருந்தது. தலைநகரில் தங்கள் உயிர்களைக் கொடுக்கச் செய்து முடிக்கப்போகும் அந்தத் தாக்குதலுக்காய் அவர்கள் ஆயத்தமாகிக் கொண்டிருகிறார்கள். ஆனால் அவைகள் முன் எழுந்த...

Recent Comments