இலைகள் உதிரும் கிளைகள் ஓடியும் வேர்கள் விழாமல் காப்பாற்றும்

தாயக விடியலுக்காக இன்றைய நாளில் வீரச்சாவை தழுவிய மாவீரர்களுக்கு வீரவணக்கம் !

Home தாயக கவிதைகள் செங்கொடி- மூன்று சேய்களைக் காத்த அன்னை.!

செங்கொடி- மூன்று சேய்களைக் காத்த அன்னை.!

பெற்ற மகனின் உயிர்காக்க ஒரு தாய் போராடுவதில் எந்த ஆச்சர்யமில்லைதான். ஆனால் யாரென்றே தெரியாத ஒரு இருபது வயதுப் பெண், மூன்று பேரின் தூக்கு தண்டனையை ரத்து செய்யக் கோரி தன் உயிரை தீக்கு திண்ணக் கொடுத்த அதிசயம் இந்தத் தமிழ் மண்ணில் நிகழ்ந்தது.

செங்கொடியின் உயிர்த்தியாகத்துக்காக, கவிஞர் வாலி முன்பு எழுதிய ஒரு கவிதை இது. அதில் செங்கொடியை, ‘செங்கொடி கன்னியாயினும் – மூன்று சேய்களைக் காத்த அன்னை’ என்று குறிப்பிட்டிருப்பார் கவிஞர். கவிஞர் வாக்கு என்றும் பொய்ப்பதில்லை என்பதற்கு இதைவிட வேறென்ன வேண்டும்….!

இதோ அந்த உயிரை உருக்கும் கவிதை…!

செங்கொடி கொடிகாக்கத் –

தன்னைக் கொளுத்திக் கொண்ட உயிருண்டு

உயிர்காக்கத் தன்னைக் – கொளுத்திக் கொண்ட கொடியுண்டா?

உண்டு: அதன்பேர் செங்கொடி: இனிமேல் –

அதுதான் என் கொடி!

தொன்மைத் தமிழரெலாம் – ஒரு தொப்புள் எழுந்த கொடி:

இவள் தொப்புள் எழுந்த கொடிகளைக் காக்க – வெப்புள் விழுந்த கொடி!

இதுதான் – எனது – வணக்கத்திற்குரிய கொடி!

இதை வணங்காது வேறெதற்கு முடி?

மூவுயிர் விடு! ஈடாக என் – பூ வுயிர் எடு!

என்று எமனிடம் தந்தாள் தன்னை;

செங்கொடி கன்னியாயினும் – மூன்று சேய்களைக் காத்த அன்னை!

ஆம்; அந்தக் – கன்னி தீயானாள்; தீயாகி – கன்னித் தாயானாள்!

பெருவாரியான நாடுகள் பெரும்பிழை புரிந்தோரையும் – சிறையில் வைக்க முயலுமேயன்றி – சிதையில் வைக்க முயாலாது;

ஏன் எனில் – சிதையில் வைத்தது தவறென்றால் சீவனை வழங்க இயலாது!

மரண தண்டனை தர வேண்டும்; மானுடற்கு மரணம் – கயிறு வழி யல்ல;

காலன் வழிதான் வர வேண்டும்!

 

விழிநிறையக் கனாக்களுமாய்;

 

விடை தெரியா வினாக்களுமாய்;

 

இருபது ஆண்டுகள் இறந்து போனபின்…

 

இம் மூவர்க்கு இன்னமும் மீதமாய் – இருக்கும் வாழ்வையும் –

கயிறு சுருக்கும் என்றால் …. அது – அரக்கம் இருக்க வேண்டாமா – இரக்கம்?

‘கண்ணுக்குக் கண்! எனும் கருத்தை ஏற்காதவர் காந்தி;

 

தபால் தலையில் மட்டுமல்ல நம் நடக்க வேண்டாமா –

நம் எண்ணத்திலும் தேசப்பிதாவை ஏந்தி? செங்கொடியே என் செல்ல மகளே!

சேவிக்கத் தகுந்ததுன் சேவடி துகளே! ஒன்றுரைப்பேன்; உன் தியாகத்திற்கில்லை ஒப்பு; என்றாலும் – அதை ஏற்பதற்கில்லை;

அது தப்பு!

கவியாக்கம் – கவிஞர் வாலி

“தமிழரின் தாகம் தமிழீழத் தாயகம்”

 

LEAVE A REPLY

Please enter your comment!
Please enter your name here

Most Popular

கப்டன் அஜித்தா

கப்டன் அஜித்தா என்றால் அனைவருக்கும் அன்பு நிறைந்த பயம்... அடர்ந்தகாடு, பயிற்சி எடுத்துக்கொண்டு இருக்கின்றனர் புதிய போராளிகள். பயிற்சிக்காக வழங்கப்படும் துப்பாக்கிகளை வைத்து விட்டு அசட்டையாக ஒரு நிமிடம் நின்றுவிட்டால் திரும்பிப்பார்க்க துப்பாக்கி இருக்காது....

கப்டன் அக்கினோ.

தமிழீழத்தில்  தலை சிறந்த பெண் போராளியான  கப்டன் அக்கினோ... போராட்டம். .... இந்தச் சொல்லுக்குள் தான் எத்தனை விதமான உணர்ச்சி அலைகள் அடங்கி இருக்கின்றன.குடும்பம் என்ற சிறிய பரப்புக் குள் சில மனிதர்கள், சில உணர்வுகளென்று...

லெப். கேணல் ஐயன் உட்பட ஏனைய மாவீரர்களின் வீரவணக்க நாள் இன்றாகும்.

லெப். கேணல் ஐயன் உட்பட ஏனைய மாவீரர்களின் வீரவணக்க நாள் இன்றாகும். 26.06.1999 அன்று மன்னார் மாவட்டம் சன்னார் பகுதியில் சிறிலங்கா இராணுவத்தினர் மேற்கொண்ட “ரணகோச” இராணுவ நடவடிக்கைக்கு எதிரான முறியடிப்புச் சமரின் போது...

கடற்கரும்புலி லெப். கேணல் ஞானக்குமார் உட்பட ஏனைய கடற்கரும்புலி மாவீரர்களின் வீரவணக்க நாள்.!

கடற்கரும்புலி லெப். கேணல் ஞானக்குமார், கடற்கரும்புலி மேஜர் சூரன், கடற்கரும்புலி மேஜர் நல்லப்பன், கடற்கரும்புலி மேஜர் சந்தனா, கடற்கரும்புலி கப்டன் பாமினி , கடற்கரும்புலி கப்டன் இளமதி வீரவணக்க நாள் இன்றாகும். 26.06.2000 அன்று...

Recent Comments