இலைகள் உதிரும் கிளைகள் ஓடியும் வேர்கள் விழாமல் காப்பாற்றும்

தாயக விடியலுக்காக இன்றைய நாளில் வீரச்சாவை தழுவிய மாவீரர்களுக்கு வீரவணக்கம் !

Home இனப்படுகொலைகள் "இனப்படுகொலை"

“இனப்படுகொலை”

னப்படுகொலை குறித்தவரையறைகள் யாவும், அவைநடந்துமுடிந்தபின்னர் தீர்மானிக்கப்படுவதே வரலாறாகிவிட்டது. இரண்டு இலட்சம் மக்கள் கொன்று குவிக்கப்படும் போது அதனை இப் படுகொலை என்று கூறாமல் மெளனம் சாதித்தசர்வதேசம் இன்று சூடான் அதிபர் அல் பசீர் மீது சர்வதேச குற்றவியல் நீதிமன்றம் ஊடாக தன்டனை வழங்குகிறது. 70000 மக்கள் கொல்லப் பட்டதாகப் பல வருடங்களாகக் கூறிவரும் சர்வதேசம் 2006 ஆம் ஆண்டடிலிருந்து இதுவரைசிங்களத்தால் அழிக்கப்பட்ட பத்தாயிரத்துற்கும் மேற்பட்ட தமிழ் மக்கள் குறித்து பேச விரும்புவதில்லை. நாளொன்றிற்கு ஐந்து பத்து என்று ஆரம்பித்த கடத்தல்கள். படுகொலைகள் பாதுகாப்புவலயப் பகுதிகளில்நுாற்றுக் கணக்காக விரிவடைந்து விட்டது .சிலங்காவின் இறையாண்மைக்குள் இருக்கும் சிறைச் சாலைகளில் பாதுகாப்புத் தேடும் அளவிற்கு, தமிழ் மக்களின் மனித உரிமைள் சிங்களத்தால் நிமாயிக்கப்படுகின்றன. மக்களிற்கும், சிங்களத்தின் யாழ்ப்பாணக்ச்சிறைச்சாலைகளுக்குமிடையே இடைத்தரகராச் செயல் படும் மனித உரிமைகள் மையத்தின் பரிதாபநிலை குறித்து, ஐ.நாவின் மனித உரிமைச் சங்கத்தலைவர்கள் கவலைப் படுவதில்லை . மக்கள் கொல்வளப்படும் போதுமட்டும் கவலை தெரிவிப்பதே அவர்களின் கடமையாகிவிட்டது.
ஐ.நா.சபையில் ,மனிதர்களின் உரிமைகளைப் பாதுகப்பதற்கென்று ஒரு பிரிவு  ஏன்இருக்கின்றதென்கிற கேள்வி தமிழ் மக்களின் மனங்களில் ஏற்படுவது தப்பில்லை போல் தெரிகிறது. மனித உரிமை தொடர்பாக விடுக்கும் காட்டமான அறிக்கைகளால், சிங்களம் அதிர்ந்து விடுமென்ற கற்பனையில்,தற்காலிக ஓய்வினை போராட்ட முனைப்பிற்கு வழங்கலாமென்று சிலர் எண்ணுகிறார்கள் ஆனாலும் நடைபெறும் அப்பட்டமான இனப்படுகொலையை, மனித உரிமை மீறல்கள் என்கிற சிறு வட்டத்துள், வல்லரசாளர்களின் ஐ. நா. சன்னிதானம் அடக்குவதை, தமிழ் மக்கள் தெளிவாகப் புரிதல் வேண்டும்.ஓர் இனத்தின் மீது கட்டவிழ்த்துவிடப்படும் ஒடுக்குமுறைகள், கலாச்சார சிதைவாகவும், கல்வி மறுப்பாகவும், நில அபகரிப்பாகவும் விரிவடைகின்றன உடல் ரீதியாக மட்டுமல்லாமல்,கலை,கலாச்சார,மொழிமற்றும் நில ரீதியான சிதைவுகள் யாவையும் ஓர் இனப்படுகொலைக்குள் உள்ளடக்கப்படும். தமிழர் தாயக கிழக்குக்கிராமங்களில் அரச படைகளும், ஜிகாத் அமைப் பினரும் நிகழ்த்திய கூட்டுப்படுகொலைகளும், ஓர் இனப்படுகொலையின் உச்ச வடிவங்களே. தமிழ்மக்களின் குடிசப் பரம்பலை சிதைக்கும் சிங்களக் குடியேற்றங்களால், நிகழ்ந்த மனித இடப்பெயர்வுகளின் அடுத்த கட்டபடிநிலையிலேயே இந்தக்கூட்டுப் படுகொலைகள் நடந்தேறின சிங்களப் பேரினவாத ஒடுக்குமுறைக்கு எதிராக, ஆயுதப்போராட்டம் தோற்றம் பெற்ற காலத்தில்தான் 77,81,83 இப்படுகொலைகள் கட்டவிழ்த்து விடப்பட்டஇதனைக் “கலவரங்கள்” என்கிற வரையறைக்குள்  தள்ளிவிட்டு, வேடிக்கை பார்த்த பிராந்திய நலனில் அக்கறை கொண்ட வல்லரசாளர்கள், ஒடுக்குமுறையாளனிற்கு இற்றைவரை உதவிபுரிவதை நாம் உணரவேண்டும். அதாவது இறையாண்மையை நிலை நிறுத்தும் அராஜக அரசுகளிற்கு மியன் மாரிலும் பாகிஸ்தானிலும் சீனா துணைநிற்கின்றது .
ஆனாலும் உலக வரலாற்றில், முன்னெப்பொழுதிலும் நிகழ்ந்திராத அதிசய நிகழ்வொன்று ஸ்ரீலங்காவில் அரங்கேறு வதைக் காணலாம் அதாவது ஒன்றோடொன்று முரண்பட்டு, முட்டிமோதும்சர்வதேச அணு ஆயுத வல்லரசர்களான சீனா ,இந்தியா,பாகிஸ்தான் மற்றும் மேற்குலக நாடுகள் , சிறிலங்கா விவகாரத்தில் ஒரு பாதையில் பயணிப்பதைத் தரிசிக்கலாம்.தமிழ் மக்களின் சுயநிர்ணய உரிமைப் போராட்டத்தினை அழிப்பதற்கு,தமக்கிடையே காணப்படும் உரசல்களை ஒரு புறம் ஒதுக்கிவைத்து,சிங்களத்திற்கு ஆயுத நிதி உதவிகளை தொடர் ந்தும்  வழங்குவதை காணலாம்.
சிறிலங்காவைத் தனது கட்டுபாட்டிற்குள் கொண்டுவர, ஈழவிடுதலை இயக்கங்களுக்கு வலிந்து சென்று ஆதரவினை வழங்கியது இந்தியா. 87இல் ஒப்பந்தம் ஏற்பட்டவுடன் போராட்ட இயக்கங்களை கைகழுவிவிட்ட இந்தியா, இலட்சியவேட்கை யோடு உறுதியாக நின்ற விடுதலைப்புலிகளைஅழிக்க முயன்றது.
சீனாவைப் பொறுத்தவரை,இந்தியாவின் கழுத்தைச்சுற்றிப்போடப்பட்ட முடிச்சுகளில்,தவறவிடப்பட்ட ஸ்ரீலங்கா என்கிற மையத்தில் முடிச்சுப்போடும் காலத்திற்காக காத்திருந்து,2Oஒப்பந்தத்தோடு அதற்கான வேலையையும் ஆரம்பித்தது. அமைதிப்படை வெளியேற்றத்தோடு, பார்வையாளர் அந்தஸ்தினைப் பெற்ற இந்தியா, ஜே.வி.பியினுடாக புதியகாய் நகர்த்தல் ஒன்றினை மேற்கொண்டு, இடையில் நுழைந்த மேற்குலக சக்திகளை களத்திலிருந்து அகற்றியது.
தற்போது தமிழர்களுக்கு எதிரான சிங்களத்தின் போரினை, இந்தியா நிகழ்த்துவதேயதார்த்த நிலையாகும். சீனாவின் உள்நுழைவினை, இந்தியாவல் தடுத்து நிறுத்த முடியுமென்கிற எதிர்பார்ப்பில், நடை பெறும் கொடுரங்களை அமைதியாகஏற்றுக்கொள்கிறது இந்த மேற்குலகம்.இந்நிலையில் மனித உரிமை மீறல்களை முன்வைத்து.
சிறிலங்கா அரசினை   மேற்குலகின் வல்லரசாளர்கள் அச்சுறுத்துவார்களென்று கனவு காணுதல் கூடாது. மனித உரிமை மீறல் குற்றச்சாட்டு பதிவுகளெல்லாம். கால்பதிப்பதற்கான துருப்புச் சீட்டுக்களாகவே இவர்களால் இதுவரை பயன்படுத்துவதை அவதானிக்கலாம் .
பிராந்தியங்களையும் அதன் சந்தைகளையும் கூறு போடுவதற்கே, உலக யுத்தங்களும், பிராந்தியப் போர்களும் முன்பு நிகழ்த்தப்பட்டன. பக்கத்து நாட்டில் எதிரிகள் பலமாக இருந்தால , பங்களாதேசத்தையும் உருவாக்குவார்கள், அதேபோன்று சிங்களம் சீனாவிடம் சரணடைந்தால் தமிழீழத்திற்கும் ஆதரவு வழங்குவார்கள். இதுதான் பூகோள அரசியலின் புதிய ஒழுங்குமுறைகள்.
சிறிலங்காவின் இப் பிரச்சனை குறித்து, சர்வதேச வல்லரசர்களின் தற்போதையநகர்வுகளை அவதானித்துப் பாருங்கள். புலம் பெயர் ஈழத் தமிழ் மக்களின் தொடர்ச்சியானகவனயீர்புப் போராட்டங்களின் எதிர்வினையாக சர்வதேசநாடுகளிலும் அதன் உயர் மூலஸ்தானங்களிலும் சில அசைவுகள் ஏற்படுவதுபோன்று தென்படுகின்றன.
அவையாவும் அழிக்கப்படும்தமிழினைதிற்கு சார்பான, நேர்மையான நகர்வுகளாவென்பதை ஆழமாக நோக்க வேண்டும் ஏற்கனவே ஐ.நா. பாதுகாப்புச் சபையில் இருதடவைகள்சிறிலங்காவிவகாரம் பேசப்பட்டபோதும் சீனாவும் ரஷ்யாவும்அதனை எதிர்த்தன.சிங்களத்தின் மீதான இந்த முன்னாள் ,இன்னாள் சோசலிச கோமான்களின் காதலை இவ்விவகாரம் வெளிப்படுத்தியிருந்தது .
மனித உரிமை வாதிகள் காட்டமான அறிக்கை வெளியிட்டு,சிங்களவர்களிடமிருந்து மோசமான பதில் அறிக்கை ஒன்றினையும் பெற்றுள்ளார்கள்.
ஆனால் ஒரு விடையத்தை மட்டும் எல்லோரும் மிகத் தெளிவாக உரத்துக் கூறுகின்றனர். அதுதான் ‘மனிதக் கேடய’விவகாரம் யுத்தத்தை நிறுத்த வலுவில்லாத, அல்லது விரும்பாத இந்த சர்வதேசம், மனிதம் கேடயத்தை தூக்கிப் பிடித்து,மனித உரிமை மீறல் என்கிற கூரிய வாளால், இப்படுகொலையினை நிகழ்த்துமாறு சிங்கள சிங்கத்திடம் கூறுவதுபோல் தெரிகிறது
ஆகவே இப்படியே காலத்தை ஜெனிவாவிலும், நியுயூயோர்க்பாதுகாப்புச் சபையிலும் இழுத்தடிக்கும் கால இடைவெளியில், மகிந்தர், தமிழர்களின் பாதுகாப்பு அரணை உடைத்து விடுவாரென்று இவர்கள் கற்பிதம் கொள்கிறார்கள் .
பாலஸ்தினர் போன்று, கல்எறிந்து போராடும் நிலைக்கு. விடுதலைப் புலிகளை கொண்டு வந்து விட்டேன.நோர்வே அமைச்சர் எரிக் சொல்கேயும் கனவு காணத்தொடங்கியுள்ளார் .
இந்நிலையில் புலம்பெயர் தமிழர்களின் தன்னியல்பான எழுச்சிப் போராட்டங்கள் வெடித்தெழ ஆரம்பித்துள்ளது. இறுதிப்போரின் தளங்கள் விரிகின்றன, சர்வதேசத்தின் சதியைப் புரிந்து கொண்ட இளந்தலை முறையினர் .புதிய போராட்டக் களங்களுள் புகுந்து, அக்கினிக் குஞ்சுகளை வல்லரசாளர்களின் வாசல் வரை கொண்டுசெல்கின்றனர். தேசியத் தலைவனின் மாவீரர் தினை உரை விளம்பிய தீர்க்க தரிசனம், இளந்தலைமுறையூடாக நிதர்சனமாகிறது.
சிறப்புப்படையணிகளின்சிதைவுகள்வழங்கியசீற்றத்தால் இந்தியக்கூலிப்படைகளின் துணையுடன், அழிவாயுதங்களை பிரயோகிக்கத் தொடங்கிறது சிங்கள பேரினவாதம்.இதனை அங்கீகரிக்கும் மேற்குலகம் தமது காவல்துறையினை ஏவிவிட்டு, இளையோரின் போராட்டங்களை நசுக்க முற்படுகிறது.
இவர்களால், கொதிநிலை எய்தியுள்ள தமிழ் மக்களின், உணர்வு களைக் கைது செய்ய முடியாதுசிங்களத்தால் ஆக்கிரமிக்கப்பட்டு, வாழ்வின் விளிம்பு நிலையில் அந்தரிக்கும் மூன்று இலட்சம் வன்னி மக்களும், 12இலட்சம் புலம்பெயர் ஈழத்தமிழர்களும், ஆறு கோடிதமிழகஉறவுகளும் தமது இறுதிச்செய்தியை இப்பூவுலக மனிதர்களுக்குச் சொல்லும் காலம் அண்மித்து விட்டது .
வாழ்வுரிமைக்கான போராட்டம், உயிர் காத்தலிற்கான போராட்டமாக மாறிவிட்டது. இழப்பதற்கு உயிரைத் தவிர வேறேதுமில்லை . ஆனால் பெறுவதற்கோ எம் பரந்த தேசமுண்டு. உணர்வினைத் தக்க வைத்தால், போராட்டம் நகரும். இல்லையேல் போராடாமல் தன் வாழ்வைத் தொலைத்து விட்டது தமிழினமே சரித்திரம் கூறும்.
ஆக்கம் :இதயச்சந்திரன் 
வெளியீடு : எரிமலை  2009
மீள் வெளியீடு :வேர்கள் 2018
இணைய தட்டச்சு © :வேர்கள் இணையம் 
“புலிகளின் தாகம் தமிழீழத் தாயகம்”

LEAVE A REPLY

Please enter your comment!
Please enter your name here

Most Popular

கவசஅணி வீரன் லெப்.கேணல் சிந்து.!

11.05.2009 அன்று முள்ளிவாய்க்கால் பகுதியில் இடம்பெற்ற மோதலில் சிங்கள பயங்கரவாத அரசின் எறிகணைத் தாக்குதலில் வீரச்சாவைத் தழுவிக் கொண்ட லெப் கேணல் இம்ரான்- பாண்டியன் படையணியைச் சேர்ந்த லெப் கேணல் சிந்து அவர்களின்...

கடற்கரும்புலி லெப். கேணல் கவியழகி உட்பட ஏனைய கடற்கரும்புலி மாவீரர்களின் வீரவணக்க நாள்.!

கடற்கரும்புலி லெப். கேணல் கவியழகி, கடற்கரும்புலி லெப். கேணல் சஞ்சனா, கடற்கரும்புலி லெப். கேணல் அன்பு, கடற்கரும்புலி மேஜர் மலர்நிலவன் வீரவணக்க நாள் இன்றாகும். 11.05.2006 அன்று யாழ். மாவட்டம் வெற்றிலைக்கேணி கடற்பரப்பில் பயிற்சியில்...

கரும்புலி மேஜர் மறைச்செல்வன்.!

நெஞ்சுக்குள் நெருப்பெரித்தவன் கரும்புலி மேஜர் மறைச்செல்வன் வீரவணக்க நாள் இன்றாகும். ‘ஓயாத அலை 03’ நடவடிக்கையின் போது 10.05.2000 அன்று யாழ். மாவட்டம் நாகர்கோவில் பகுதியில் நடைபெற்ற...

தமிழீழத்தின் வீர ஆசான் கேணல் வசந்தன் மாஸ்ரர்…

“வசந்தன் மாஸ்ரர்” என்ற அர்ப்பணிப்பு மிக்க உன்னதமான போராளியை 1993 தமிழீழ படைத்துறைப்பள்ளியில் பார்த்தேன் உயரமான, கறுத்த, மிடுக்கான உருவம், மாஸ்ரரை பார்த்தால் அல்லது அவர் வந்திருக்கிறார் என்றால் எமக்கு முன் படைத்துறைப்பள்ளியில்...

Recent Comments